Кулун тутар 8 күнүгэр, «Сайдыы» сынньалаҥ киинигэр, аан дойду кэрэ аҥардарын күнүгэр, 2-с Лөгөй нэhилиэгин олохтоохторугар уонна ыалдьыттарыгар активист эр дьон түмсэн, олус сэргэх, «Эhиэхэ эрэ анаан» диэн кэнсиэри бэлэхтээтилэр. Бу кэнсиэр, нэhилиэкпит активист эрэ эр дьонун буолбакка бүттүүн нэhилиэк эр хоhууннарын түмтэ диэххэ табыгастаах буолуо, тоҕо диэтэр, кэнсиэрбит сүрүн бирииhин – үс бриллианы, эр дьон бэйэлэрэ сүбэлэhэн, харчы бырахсан ыллылар, манна сүрүн оруолу, ордук сыратын биэрбит Окоёмов Василий Васильевичка махтаныах тустаахпыт!
Кэнсиэр саҕаланыан иннинэ нэhилиэк Аҕа баhылыга, эр дьон түмсүүтүн салайааччыта Петр Егорович Бурнашев, кэрэ аҥардары хомоҕой тылынан эҕэрдэлээн кэнсиэр таhымын үрдэттэ.
Кэнсиэри кырачаан оҕолорбут, маҥнайгы кылаас үөрэнээччилэрэ Айаан Троевы кытта Сашенька Шепелёва арыйдылар, Мүрү нэhилиэгин ырыаhыттара, доҕотторбут: элбэх ырыа куонкурустарын лауреата, Гран прита — Иван Карпов, Музыка ууhа — Василий Петров – «Маар уола», Тимир, мас, ырыа ууhа — Иван Скрыбыкин, ону тэҥэ биир дойдулаахтарбыт: автор мелодист – Юрий Сторожев, Родион Турантаев көрдөhүүбүтүн быhа гыммакка кэлэн ылбаҕай ырыаларын бэлэх ууннулар, тэрээhини олуhун киэргэттилэр. Табаарыстарбытыгар махталбыт муҥура суох.
Нүөмэрдэр быыстарыгар сүрүн бириистэрбитин, 3 бриллианы оонньоттубут. Хаhаайыннарынан буоллулар: П.В. Аммосов аатынан Тулуна орто үөрэхтээhин кыhатын учуутала Юлия Захаровна Турантаева, олохтоох бэйэни салайыныы экономииhа – Сюзанна Михайловна Архипова уонна олохтоох бэйэни салайыныы үлэhитэ – Сергеева Елена Петровна сүрүн бириистэр кыайыылаахтарыгар өссө төгүл эҕэрдэбитин тиэрдэбит!
Нэhилиэкпит активист эр дьонугар махтанабыт уонна өрүү түмсүүлээх, элбэх доҕордоох – атастаах, тирэхтээх буолун диэн баҕа санаабытын тиэрдэбит. Кэрэ аҥардарбытыгар уостубат сибэкки буолан күнтэн күн тыллан, киэркэйэн, тупсан иhин, кытаанах доруобуйаны уонна дьолу – соргуну!
Ыстатыйаны суруйда «Сайдыы» СК уус уран салайааччыта Гаврил Шепелёв.
