Олунньу 22 күнүгэр «Аҕа дойду көмүскээччилэрин күнүн» чэрчитинэн 15:00ч С.С.Дегтярев аатынан спорт саалаҕа, Биир дойдулаахпыт, Чечен Республикатыгар «Итии точкаҕа» сылдьыбыт, «Туйгун сулууспатын иһин» бэлиэ, «Хорсунун иһин» мэтээл, «За отличие в службе» 2 степенэ, «Знак боевых действий» бэлиэ, «Знак боевых действий МВД» мэтээллэрдээх Докторов Владимир Гаврильевич аатынан Эр дьоҥҥо буулдьанан ытыыга күрэхтэһии ыытылынна. 3 көрүҥнээх, ол эбэтэр
— Дартс
— АК-74 ситэтэ суох ыһыы-таҥыы
— салгынынан ытар буулдьа саанан ытыы
Бу көрүҥнэргэ уопсайа 9 хамаанда илин кэлин түсүһэн, олус диэн интэриэһинэй күрэхтэһиини көрдөрдүлэр.
Күрэхтэһии кэнниттэн эр дьону төгүрүк остуол тула, нэһилиэкпит Аҕа Баһылыга — Петр Егорович мунньан сыллааҕы былаан ылыннылар. Мунньахтан чорботон сырдаттахха эр дьон түмсүүтэ анал байыаннай дьайыыга сылдьар Аржаков А.П. дьиэтин өрөмүөннүүргэ былааннаннылар.
18:30ч. Докторов Владимир Гаврильевичка аналлаах ахтыы киэһээтинэн тэрээһин торжественнай чааһа саҕаланна. Нэһилиэк Аҕа Баһылыга, амарах аҕата Гаврил Николаевич, эдьиийэ Евдокия Дмитриевна уонна биир кылаастара истиҥ тыллары этэннэр истиҥ иһирэх долгутуулаах ахтыы киэһээтэ буолла. Онтон тутатына күрэхтэһии кыайыылаахтары наҕараадалааһын саҕаланна. Ол курдук:
3м – Булчуттар хамаанда олохтоох дьаһалтаттан 7500 солк уу харчынан,
2м – Бэргэн хамаанда кылааһынньыктар ааттарыттан 15 000 солк булт маҕаһыыныгар сертификат
1м – Кэскил хамаанда Төрөппүттэриттэн уонна аймахтарыттан 30 000 уу харчынан туттулар.
«Бастыҥ ытааччы» анал ааты «Бэргэн» хамаанда уолаттара, «Кэскиллээх кыттааччы» анал аат Ньургун Бурнашев, «Саамай кырдьаҕас кыттааччы» анал аат, Пухов Афанасий Андреевич бииргэ төрөөбүттэриттэн анал бирииһи Дегтярев Михаил, «сымса АК-74 ыһыы-таҥыы» анал аат Максим Гоголев туттулар.
Наҕараадалааһын кэнниттэн «Аҕа дойдуну көмүскээччилэр» күннэринэн эҕэрдэ кэнсиэр буолла.
2-с Лөгөй нэһилиэгин активистара тэттик эҕэрдэ кэнсиэри көрдөрдүлэр. Ол курдук Анастасия Шепелева салайааччылаах «Иэйии» вокальнай ансаамбыл, Наталья Гоголева, Евдокия Мигалкина, Лиза Неустроева, Мария Стрекаловская, Гаврил Шепелев, Лиза Неустроева лидердаах эдэр ыччат түмсүүтүттэн үҥкүү, Ульяна Бурнашева салайааччылаах «Сайа» вокальнай ансаамбыл. Дьоммут-сэргэбит тэрээһинтэн олус астынан, дуоһуйан, махтанан бардылар. Барыгытыгар дьолу-соргуну, эйэлээх халлааны!
