Ахсынньы 8️⃣ күнүгэр
1️⃣6️⃣:0️⃣0️⃣ч. «Сайдыы» СК
Дьон-сэргэ итэҕэлин ылан «2-с Лөгөй нэһилиэгэ» муниципальнай тэриллии аҕа баһылыгынан талыллыбыт Петр Егорович Бурнашев дуоһунаһыгар киирэр тэрээһин үөрүүлээх чааһа буолан ааста.
Тэрээһиҥҥэ:
Дмитрий Бурнашев матыыбыгар, Иван Мигалкин тылларыгар «Эриэккэс дойдум,Тулуна» нэһилиэкпит өрөгөйүн ырыатынан тэрээһин арылынна.
2-с Лөгөй нэһилиэгин быыбардыыр хамыыһыйатын бэрэссэдээтэлэ Атласова Е.И. быыбар түмүгүн билиһиннэрдэ уонна үөрүүлээх быһыыга-майгыга баһылык буолбутун туһунан удастыбырыанньа туттарда.
2-с Лөгөй нэһилиэнньэтин үрдүк итэҕэлин үс төгүл ылбыт, билигин Уус-Алдан улууһун Аҕа баһылыгын солбуйааччытынан үлэлии сылдьар Троев И.И. саҥа баһылыкка баһылык мэктиэтин туттарда.
Аҕа баһылык Бурнашев П.Е. андаҕар тылын эттэ.
Эҕэрдэ тыл, алгыһын уонна өйөбүл тылларын эттэ Уус Алдан улууһун Аҕа баһылыга Аммосов В.И.
Эҕэрдэ бастыҥын эттилэр Уус Алдан улууһун нэһилиэктэрин Аҕа баһылыктара, улууспут үөрэҕин управлениетын начальнига Литвинцев С.М., Нэһилиэнньэ дьарыктаах буолуутун тэрилтэтин салайааччыта Слепцов Ю.В., улууспут дьокутааттарын сэбиэтиттэн Троев Ю.И., нэһилиэкпит дьокутааттара, нэһилиэк тэрилтэлэрин салайааччылара.
Тэрээһини ырыанан киэргэттилэр Автор мелодист Юрий Сторожев, «Дуолан» ансаамбыл солистара-Яков Бочкарев, Олимпий Алексеев, Николай Бурцев, Владимир Егоров, нэһилиэкпит ырыаһыттара Наталья Гоголева уонна Гаврил Шепелев.
Түмүккэ саҥа Аҕа баһылык Бурнашев П.Е. махтал тылларын эттэ.