2 Лөгөй нэһилиэгэр, алтынньы 1 күнүгэр Аҕам саастаахтар күннэрин бэлиэтээтибит. «Мин сааһым – Мин баайым» диэн тэрээһиҥҥэ нэһилиэк аҕам саастаахтарыгар анаан биэчэр ыытылынна. Биэчэргэ ытык дьоммутун «Сайдыы» ск директора Н.П.Гоголева истиҥ тылларынан ону тэҥэ музыкальнай эҕэрдэтин тиэртэ, бэтэрээн сэбиэтин бэрэссэдээтэлэ М.В.Неустроева дьонун сэргэтин хомоҕой тылларынан эҕэрдэлээн үөртэ-көтүттэ, олохтоох библиотека сэбиэдиссэйэ бэйэтин эҕэрдэтин уонна «Куорсун» диэн Уус-Алдан улууһун хоһоон айааччыларын куонкурсун кыттыылаахтарыгар туоһу сурук туттартаата. Олус үчүгэй, киһи сүрэҕин сылаанньытар – «Yлэни өрө туппут биир дойдулаахтарбыт» диэн Сахабыт Өрөспүүбүлүкэтигэр «Yлэ» сылын чэрчитинэн фото быыстапка туруорда. Биэчэри иилээн саҕалаан ыытта «Сайдыы» ск уус уран салайааччыта Гаврил Шепелёв, ырыанан киэргэттилэр Анастасия Шепелёва, Наталья Гоголева, Евдокия Мигалкина, Маргарита Троева уонна Мария Стрекаловская.
Аҕам саастаах дьоммутугар «Сайдыы» ск уолаттара: Анатолий Лугинов, Гаврил Шепелёв, олохтоох дьаһалтаттан Григорий Сергеев, Тулуна орто оскуолатыттан Максим Гоголев, «Татыйык» оҕо уһуйааныттан Руслан Куприянов, «Теплосеть+» Сергей Дегтярев, Александр Троев бултаабыт кустарыттан, Михаил Неустроев уонна Григорий Петухов балыктаабыт соболоруттан күндүлээннэр ону барытын «Сайдыы» ск кэрэ аҥардара уонна активистка Анна Васильевна Троева астаатылар.
Тэрээһин програамматыгар Кус миинэ, собо миинэ, жариламмыт собо, Үлэ сылын чэрчитинэн быыстаапка, Өйдөбүнньүк хаартыскаҕа – РЕТРО ФОТОЗОНАҔА түһүү, көрдөөх оонньуулар, уоттаах күөстээх ретро танцы киирдилэр.
Тэрээһиҥҥэ кэлбит бары ыалдьыттарбыт астынан, дуоһуйан, сэргэхсийэн бардылар.
«Мин сааһым – Мин баайым» тэрээһини ыытарга күүс көмө буолбут дьоммутугар «Сайдыы» СК аатыттан истиҥ махталбытын тиэрдэбит! Эһи көмөҕүтүнэн ытыктыыр аҕам саастаах дьоммутугар умнуллубат түгэни бэлэх ууннубут.