1945 сыллаахха, Балаҕан ыйын 2 күнүгэр, Аҕа Дойду сэриитэ олоччу түмүктэммит күнэ буолар. Бу бэлиэ күн чэрчитинэн Тулунаҕа бөhүөлэк килбэйэр киинигэр, Петр Васильевич Аммосов аатынан скверга — Аҕа дойду Сэриитин, тыыл, үлэ, спорт бэтэрээнэ, Уус Алдан улууһун, 2 Лөгөй нэһилиэгин бочуоттаах олохтооҕо Василий Ананьевич Васильев төрөөбүтэ 100 сылынан, Улуу Кыайыы 80 уонна нэһилиэкпитигэр Бэтэрээн сылын чэрчитинэн, үөрүүлээх быһыыга-майгыга
өйдөбүнньүк скамейка аһыллыытыгар, мас олордуутугар, нэhилиэк дьоно-сэргэтэ, кэнчээри ыччаттара тоҕуоруhа муhуннулар.
Тэрээhини саҕаланыытыгар Василий Ананьевич хос сиэннэрэ, эhээлэрин олоҕун сырдатан, доргуччу монтаж аахтылар.
Үөрүүлээх быhыыга-майгыга скамейканы арыйарга, Российскай Федерация судаарыстыбаннай дууматын дьокутаатын Петр Револьдович Аммосовы, Уус Алдан улууhун баhылыгын солбуйааччытын Анатолий Дмитриевич Сторожевы, 2-с Лөгөй нэhилиэгин Аҕа баhылыгын Петр Егорович Бурнашеву, Василий Ананьевич кыыhын Ольга Васильевна Васильеваны ыҥырдылар. Таҥас сабыыны сулбу тардан, олус үчүгэй скамейканы, кэлбит ыалдьыттарга көрдөрдүлэр.
Тулунабытыгар өссө биир кэрэ көстүү, өйдөбүнньүк эбилиннэ.
2-с Лөгөй нэhилиэгин Аҕа баhылыга Петр Егорович Бурнашев, Российскай Федерация судаарыстыбаннай дууматын дьокутаата Петр Револьдович Аммосов, Уус Алдан улууhун баhылыгын солбуйааччыта Анатолий Дмитриевич Сторожев уоннаолохтоох түмэл салайааччыта Федот Дмитриевич Бысыин эҕэрдэлээтилэр, Василий Ананьевиhы үтүө тылларынан ахтан санаан ыллылар. Ол кэннэ Василий Ананьевич оҕолоро, сиэннэрэ, хос сиэннэрэ, аймахтара үөрүүлээх быhыыга-майгыга икки яблоня маhын олортулар.
2-с Лөгөй нэhилиэгиттэн фронна ынырыллыбыт 153 Эдэр-чэгиэн, хорсун, хоодуот дьоммутуттан биирдэстэрэ — Василий Ананьевич Васильев буолар. Кэлэр кэнчээри ыччакка хорсун быhыы, Ийэ дойдуга таптал холобура!
махтаныах тустааххын эн,
эйэлээх олоххо олороргор,
махтаныах тустааххын эн!
Үрүн күнү көрөргөр!
Ким да умнуллубат, туох да умнуллубат!
