Россияҕа *»АҔА КҮНҮНЭН»*, Сахабыт Республикатыгар *»ИЙЭ КҮНҮНЭН»*, 2-с Лөгөй нэһилиэгэр, “Сайдыы” СК ыыппыт тэрээһиннэрэ:
Алтынньы 15күнүгэр, «Сайдыы» сынньалаҥ киинигэр — Туой иһит — ХОППОР оҥоруутугар мастер кылааһы Оксана Тарская ыытта. Ийэлэр кэлэннэр астына-дуоһуйа, өбүгэлэрин кытта ситимнэнэн, тус бэйэлэригэр буруонан ыраастанар иһит оҥоһуннулар.
— Алтынньы 16 күнүгэр П.В. Аммосов аатынан Тулуна орто оскуолатын кытары холбоһуктаах, «Биир ньыгыл партия» көҕүлээһининэн тэрээһин буолла. «ТРУД» кылааһыгар* аҕаларга аналлаах Тутуу, уһаныы, оһуор быһыы кистэлэҥнэрин арыйар мастер кылааһы Жирков Алексей Алексеевич ыытта.
Быһах, анньыы сытыылыыр, кылааннааһын ньымаларыгар мастер кылааһы мас, тимир ууһа Атласов Михаил Михайлович ыытта. Нэһилиэкпит аҕалара кэлэн көрөн, истэн, бэйэлэригэр саҥа көрүүлэри, ньымалары билэн астыннылар. Киэһээ, Сайдыы СК «Ийэлэргэ анаан» диэн тематическай биэчэргэ Уһун — Күөл бөһүөлэгиттэн ийэлэр түмсүүлэрэ ыалдьыттардаах Быыстапкалаах, Көрдөөх оонньуулардаах,Эҕэрдэ номердардаах, төгүрүк остуол тула Ирэ хоро кэпсэтии опыт атастаһыы буолла.
Нэһилиэкпит күндү ийэлэрин, аҕаларын тэрээһиннэргэ көхтөөх кыттыыны ыларгытыгар махтанабыт! Инникитин өссө да ыҥырабыт
