Оҕом саңата чуопчаарар буолан
Орто дойдубут туругурар
Кэрэтиэн, ођокком күлэрэ –
Дьолунан олођум туолара.
Бэс ыйын 1 күнэ, 1949 сылтан, аан дойду кэрэ аҥардарын демократическай пэдэрээссийэтэ туруорсуутунан тэриллибит «Оҕо көмүскэлин күнэ».
Тулунаҕа сылын аайы ыытыллар оҕо бырааhынньыга үгэскэ кубулуйбут күрэхтэhиилэр, көрдөөх оонньуулар, куукула быыстапката ол курдук:
Кырачааннарга араас маассабай оонньуулар, «Ыллаа-туой оҕо саас» Ырыа куонкуруhа — аhаҕас микрофон, хоһоон ааҕыытыгар аhаҕас микрофон, «Эргичий, эргичий көлүөһэм» — велосипед күрэҕэ 2 бөлөҕүнэн ыытылынна. Бастакы бөлөх 7-11 сааhыгар диэри уонна иккис бөлөх 12 саастарыттан үөhээ. Түhүмэхтэрэ: 1. Велосипед киэргэтииттин көрүү
2. Змейканан айаннааһын
3. Хаптаһын үрдүнэн айаннааһын
4. Балансировка (сири таарыйбакка өр тохтоон туруу)
5. Стоп линия (стоп линияҕа ордук чугас тохтооһун)
Бастакы бөлөххө:
1м – Дьулусхан Васильев
2м – Никита Шепелев
3м – Эрсан Старостин
Иккис бөлөххө муҥутуур кыайыылааҕынан Стас Лугинов буолла.
Саҥа сайдан үөдүйэн эрэр «Дартс» көрүҥэр оҕолор бэйэлэрин холоннулар уонна түмүккэ кэлбит оҕолортон түөрт хамаанда таhаараннар футбол күрэҕэ ыытылынна. Хамаандалар баайыылара тэҥ соҕус буолан ыҥааhыннаах оонньуулар таҕыстылар.
Спортивнай күрэхтэри нэhилиэк спорт инструктора Василий Васильевич Окоемов туох да мөккүөрэ суохтук ыытта, куонкурустары «Сайдыы» сынньалаҥ киинин уус уран салайааччыта Гаврил Павлович Шепелев олус сэргэхтик иилээн сэргэхситтэ.
Күндү кэнчээри ыччаттарбыт, инники кэскиллэрбит, ийэ, аҕа тапталынан угуттанан дьоhун дьон буола улаатын. Үрдүгүтүгэр куруутун ыраас халлаан, сырдык күн сыдьаайа тыктын.
Ыал дьоло оҕотугар
Кини саргыта оҕотугар,
Кэлэр кэскилэ оҕотугар
Оҕо олоҕун уйгута төрөппүт илиитигэр – инньэ диэн тураммыт нэһилиэкпит кырачаан оҕолоругар ил эйэлээх олоҕу түстээммит ыраас халлааны, чөл туруктаах доруобай олођу баҕарабыт
