_Кэллэ Ньукуола күн
_Үүннэ саҥа күн!
_Алаадьылаан аһыаҕын,
_Саламаатта амсайыаҕын
_Наскылдьыйа далбаатанар,
_Кэрэ-нарын хатыҥчааҥҥа
_Саламата ыйыаҕын!
_Сайыммытын уруйдуоҕун,
_Саргыбытын салайыаҕын!
2-с Лөгөй нэһилиэгин олохтоохторо уонна ыалдьыттара Ыам ыйын 22 күнүгэр
ЫҺЫАХ ТҮҺҮЛГЭТИГЭР Сахабыт Сирин айылҕата үүнэр чэчириир кэмэ кэлбитин бэлиэтэ — *»НЬУКУОЛУН»* күнүн көрсө, нэһилиэкпитигэр «Бэтэрээн» сылын чэрчитинэн, улахан политическай диэйэтил, биир дойлулаахпыт Василий Никонорович Леонтьев 130 сылынан нэһилиэкпит сайдыытыгар үлэлии-хамныы сылдьар тэрилтэлэр үлэһиттэрэ, олохтоох дьоммут-сэргэбит түһүлгэ ыраастааһынын субуотунньугар кэлэннэр үтүө үлэни күргүөмүнэн кыайдылар.
Күндү бэтэрээннэрин, нэһилиэк олохтоохторун бука барыларын «Тулуна сааһыттара» эр дьон түмсүүтэ ис сүрэхтэриттэн бэрсибит кустарын миинин амсайан, сибиэһэй собо миинэ иһэн, өйүөлээх кэлэн мааны сандалы остуол тула тоҕуоруһан, самаан сайыммыт сатыылыыр күнүгэр бииргэ Ньукуолуну көрүстүлэр. Ону таһынан Российскай Федерацияҕа урбаанньыт күнүн чэрчитинэн Тулуна олохтоохторун, ыаллыы нэһилиэктэри, соҕуруу куораттарга тиийэ 30 сыл устата минньигэс килиэбинэн аһаппыт Охлопкова Мария Семеновнаҕа улуус бочуоттаах грамотатын үөрүүлээх быһыыга-майгыга туттардылар.
Өрүүтүн даҕаны нэһилиэкпит сайдыытыгар төһүү күүс буолун! Нэһилиэкпит саргылаах саҕахтарын, туора турбакка, бары бииргэ саҕыаххайын диэн ыҥырабыт!
