Ахсынньы маҥнайгы күнүгэр Тулунаҕа, «Зима начинается с Якутии» фестиваль чэрчитинэн, «Харыйачааммыт уота умай» тэрээһинэ буолан ааста.
Тыйыс тымныы, кырыа кыһыммыт бастакы күнүгэр, кэлэн иһэр аптаах алыптаах, саргылаах Саҥа Дьылынан нэһилиэк дьонун-сэргэтин араас остуоруйалартан кэлбит, араас кыыллар флеш-моб үҥкүүлээтилэр ону тэҥэ ыраах хотугу байҕалтан тымныы тыал аргыстаах Чысхаан, Великий Устюг курдук ыраах сиртэн Тымныы моруос оҕонньор уонна нэһилиэкпит Аҕа Баһылыга Петр Егорович Бурнашев эҕэрдэлээтилэр, нэһилиэк сүрүн Харыйатын уотун үөрүүлээх быһыыга-майгыга уматтылар.
Тэрээһиҥҥэ кэлбит оҕолор бары дуоһуйан, астынан бардылар.
