Российскай Федерацияҕа «Дьиэ кэргэн», Саха Өрөспүүбүлүкэтигэр «Оҕо», Уус Алдан улууhугар «Аҕа» сылларынан, Сахабыт Сиригэр «Ийэ», Россияҕа «Аҕа» күннэрин чэрчитинэн ыытыллар «Дьиэ кэргэн – Дьол биhигэ» диэн «Сайдыы» сынньалаҥ киинэ уонна Петр Васильевич Аммосов аатынан Тулуна орто оскуолата тэрийэн ыытар дьиэ кэргэннэр күөн көрсүhүүлэрэ бэрт сэргэхтик ааста.
Түмүк тахсар кэмигэр нэhилиэкпит ахтыбыыстара Лиза Неустроева, Анастасия, Гаврил Шепелевтар, Наталья Гоголева эҕэрдэ ырыаларын бэлэх ууннулар.
Уопсайа куонкуруска 9 дьиэ кэргэн, 6 түhүмэххэ төхтөрүйэн туран, үөрэн көтөн кытынна. Куонкурус түмүгүнэн хас биирдии дьиэ кэргэн өттүк-харалаах, илии-тутуурдаах астынан барда.
Куонкуруспут бириистэрин туруорбут спонсордарбыт:
— ИП Сторожева Саргылаана Ивановна «1000 мелочей» маҕаhыын
— ИП Бурнашев Ариан Иннокентьевич «Үрдэл» маҕаhыын
— ИП Докторова Сахайаана Афанасьевна «Нина» маҕаhыын
— ИП Андросов Василий Семенович «СтройДом» маҕаhыын
— ИП Находкина Маргарита Семеновна «Илин» маҕаhыын
— «Мүрү саhарҕата» редакция сүрүн редактора Попова Наталья Гаврильевна.
— 2-с Лөгөй нэhилиэгин олохтоох дьаhалтата
— Петр Васильевич Аммосов аатынан Тулуна орто оскуолата.
Түhүмэхтэри ыытарга инвентарь уларсан күүс көмө буоллулар Бурнашева Вера Семеновна уонна Окоемова Надежда Борисовна.
Спонсордарбытыгар уонна өйөбүл буолбут дьоммутугар муҥура суох махталбытын тиэрдэбит!
Түмүк:
1 бөлөх:
4м Бурнашевтар дьиэ кэргэн 1 кл
3м Лугиновтар дьиэ кэргэн 2 кл
2м Васильевтар дьиэ кэргэн 3 кл
1м Васильевтар дьиэ кэргэн 4 кл
2 бөлөх:
5м Куприяновтар дьиэ кэргэн 7 кл
4м Шелковниковтар дьиэ кэргэн 10 кл
3м Ивановтар дьиэ кэргэн 9 кл
2м Сергеевтар дьиэ кэргэн 8 кл
1м Троевтар дьиэ кэргэн 6 кл
Кыттыбыт дьиэ кэргэннэргэ барҕа махталбытын тиэрдэбит! Өрүүтүн даҕаны көхтөөх, үөрүү, мичээр аргыстаах сылдьын диэн баҕа санаабыт бастыҥын анаатахпыт буоллун!
