Тулунаҕа Үрүҥ — тунах ыһыах 2023с.

🌿☘️🍀Үрүҥ тунах ыһыах
✅Бэс ыйын 10 күнүгэр государственнай общественнай деятель, республика, улуус оло5ор үтүө суолу — ииһи хаалларбыт, биһиги нэһилиэк киэн туттар киһитэ Петр Васильевич Аммосов төрөөбүтэ 120 сылын көрсө, юбилейнай тэрээһин чэрчитинэн, скверыгар бюһун үөрүүлээх аһыллыыта буолла.
Бюст арыллыытын үөрүүлээх чааһыгар П.В.Аммосов аатынан Тулуна орто оскуолатын үөрэнээччилэрэ Петр Васильевич оло5ун, үлэтин кэрдиис кэмнэрин туһунан монтаж аахтылар. Убаастабыллаах ыалдьыттарбыт Арассыыйа политическай, общественнай деятелэ, Государственнай Дума депутата Ф.С.Тумусов, П.В.Аммосов сиэнэ Арассыыйа политическай деятелэ, КПРФ чилиэнэ, Государственнай Дума депутата П.Р.Аммосов, Мүрү нэһилиэгин баһылыга В.И.Аммосов, II-с Лөгөй нэһилиэгин баһылыга И.И.Троев, Уус — Алдан улууһун депутаттарын сэбиэтин председателэ И.И.Колодезников П.В.Аммосов бюһун үөрүүлээх быһыыга- майгыга арыйдылар. Ону тэңэ тэрээһиңңэ биир дойдулаахпыт, народнай поэт И.В.Мигалкин, народнай артыыс В.И.Заболоцкай, историческай наука кадидата Павлов Афанасий Афанасьевич, Ил Түмэн депутата Куличкин Вячеслав Семенович кыттыыны ыллылар.
Петр Васильевич олохтоох кадрдары үүннэриигэ үлэтин, саха дьонун оло5ун, доруобуйатын туһугар ыыппыт утумнаах үлэтин, дьоңңо — сэргэ5э киһилии, алама5ай сыһыанын, коммунист быһыытынан көнөтүн — чиэһинэйин, төрөөбүт сиригэр — уотугар тапталын, чугаһын туһунан история докумуоннара туоһулууллар, дьоно — сэргэтэ кэпсээн оңостоллор. Оннук киһи этэ, биһиги киэн туттар биир дойдулаахпыт, Сахабыт сирин биир бастың салайааччыта, коммунист Петр Васильевич Аммосов. Кини бэйэтин норуотун иннигэр оңорбут үтүөтэ — өңөтө, сырдык мөссүөнэ саас — үйэ тухары өлбөөдүйүөхтэрэ суо5а.
✅Салгыы, бу күн, 2-с Лѳгѳй нэьилиэгэр самаан сайыны уруйдуур ыhыах түһүлгэтэ тэрилиннэ. Сиэр-туом быһыытынан, алгыс тыла этилиннэ, ырыа- тойук, оһуохай дуорайда. Ыһыах алгыһын Саха Ѳрѳспүүбүлүкэтин народнай артыыһа Владимир Заболоцкай ыытта. Ытык Дуо5аны анньыы, кымыс охторуута, ыңырыылаах ыалдьыттары, ыһыах дьонун-сэргэтин быыппа5ынан күндүлээһин буолла. Ыьыах үѳруулээх туһүлгэтигэр нэьилиэк баһылыга Троев И.И. бар дьону э5эрдэлээтэ уонна нэьилиэк социальнай экономическай сайдыытыгар уонна нэьилиэк общественнай улэтигэр сыраларын биэрэн туран үлэлээбит дьоҥҥо на5араадалары туттарда. Ол курдук, «Нэһилиэк бочуоттаах олохтоо5о» анал бэлиэни, ѳр сылларга нэһилиэк сайдыытыгар үгүс сыраларын биэрбит нэһилиэкпит олохтоохторо Васильева Мария Прокопьевна, Бурнашева Мария Васильевна, Дегтярева Анна Иннокентьевна, туттулар. «Нэһилиэк социальнай-экономическай сайдыытыгар киллэрбит кылаатын иһин» бэлиэни нэһилиэкпитигэр үѳрэх уонна культура эйгэтэ сайдыытыгар ѳр сылларга үлэлээбит Сайдам Айар Кыыдаана Арылхан кыыһа тутта. Нэһилиэк баһылыгын Бочуотунай Грамотатын, үтүѳ суобастаах үлэтин иһин, Тулунатаа5ы «Сайдыы» сынньалаң киин үлэһитэ Васильева Антонина Прокопьевна тутта. Маны таһынан, нэһилиэк баһылыга ыһыахпыт күндү ыалдьыттарыгар, ытыктабыллаах биир дойдулаахтарбытыгар, Государственнай Дума депутаттарыгар Аммосов Петр Револьдовичка уонна Тумусов Федот Семеновичка нэһилиэк дьонун-сэргэтин аатыттан э5эрдэ сурук туттарда. Салгыы э5эрдэ тылы Государственнай Дума депутаттара Аммосов П.Р., Тумусов Ф.С., Уус-Алдан депутаттарын Сэбиэтин председателэ Колодезников И.И., Мүрү нэһилиэгин баһылыга Аммосов В.И. эттилэр. Государственнай Дума депутатын махтал суругун араас эйгэ5э эңкилэ суох үлэлээбит уонна үлэлии сылдьар нэһилиэкпит олохтоохторо Мигалкина Евдокия Дмитриевна, Троева Маргарита Ивановна, Бурнашев Ариан Иннокентьевич, Сторожев Анатолий Дмитриевич, Габышева Акулина Васильевна, Историческай наука кандидата Павлов Афанасий Афанасьевич туттулар. «Уус-Алдан улууһун социальнай-экономическай сайдыытыгар киллэрбит кылаатын иһин» бэлиэнэн нэһилиэкпит депутата Петухова Анна Михайловна, улуус баһылыгын Бочуотунай Грамотатын ѳр сылларга уһуйааңңа үтүѳ суобастаахтык үлэлээбит Троева Мария Гаврильевна үѳрүүлээх быһыыга-майгыга туттулар.

✅Кэнсиэр, активнай нэһилиэкпит уонна биир дойдулаахтарбыт күүһүнэн бэрт сэргэхтик ааста.
Култуура куонкурустарын түмүгэ:

1. “Сахам мааны танаhа” – Биир дойдулаахпыт, уран тарбахтахтаах -Марфа Гаврильевна Иванова аатынан, дьиэ кэргэннэ, толору симэхтээх сахалыы таӊаска конкурс.
   Бириистэри спонсордаатылар Марфа Гаврильевна Иванова о5олоро уонна сиэннэрэ.
   1 м — Бысыиннар, Винокуровтар дьиэ кэргэн.
   2м — Бурнашевтар дьиэ кэргэн (Пётр, Розанна)
   3м — Бурнашевтар (Ариан, Моника)
2. “Ыллаа эн, кэрэ куолас” – Тыыл, үлэ уонна Сыана бэтэрээнэ, 2-с Легой нэьилиэгин бочуоттаах олохтоо5о Находкина Кыыма Васильевна аатынан, Норуот ырыатыгар конкурс.
   Бу конкурс 2 бөлөҕүнэн ааста:
   1 бөлөх – улахан дьон, 18ттан үөҺээ саастаахтар
   2 бөлөх – о5олор, 17 саастарыгар диэри
   Бириистэри спонсордаатылар Кыыма Васильевна о5олоро уонна сиэннэрэ.
   Кыайыылаахтар:
   Улахан дьоҥҥо:
   1м — Ирина Иванова
   2м – Полина Бурнашева
   3м – Александра Оллонова
   Оҕолорго:
   1м — Кэскилээнэ Троева
   2м — Сахалина Троева
   Кыайыыга дьулуурун иһин – Орто Халыматтан Винокурова Алгыска,
   Саамай кыра кыттааччы – Носова Вилена 6 саастаах
3. «Дьүрүhүй хомуhум» — 2 Лөгөй нэhилиэгин импровизатор хомусчуттарын бириистэригэр, 10-15 саастарыгар диэри о5олорго аналлаах куонкурус.
   2-с Лөгөй нэһилиэгин олохтоох уонна биир дойдулаах о5олорбут кытыннылар.
   Кыайыылаахтар:
   Чыпчаал аат – Сахалина Троева
   I үрдэл – Элеонора Троева
   II үрдэл – Алгыстаана Бурнашева
   III үрдэл – Игнат Аргунов
   I үктэл – Никита Шепелев
   II үктэл – Аня Лугинова

✅Салгыы, Дьон-сэргэ бары кэтэһэр, куутэр спортивнай курэхтэһиилэри спорт комиссията тэрийэн ыытта. Үгэс буолбут сүүрүү күрэхтэһиитэ, оскуола алын кылаас о5отуттан са5алаан, а5ам саастаах ветераннарга тиийэ ыытылынна, уопсайа 14 комплект мэтээл, анал бириистэр туттарылыннылар.

✅Дьэ уонна Тулуна сиригэр-уотугар үһүс тѳгүлүн ыытыллар «Мас Мэхээлэ удьуордара» 5 түһүмэхтээх ѳбүгэ оонньуута бэрт сытыытык уонна үрдүк тэрээһиннээхтик буолла. Санатан суруйдахха, бу күрэхтэһии аан бастаан 2018 сыллаахха биир дойдулаахпыт Иванов Семен Семенович идиэйэтинэн, өйөбүлүнэн ыытыллыбыта, дьон сэңээриитин ылбыта. Күрэхтэһиигэ Тыгын оонньууларын хас да тѳгүллээх призердара, Сахабыт Сирин дьон-сэргэтэ сѳбүлээн уонна кэтээн кѳрѳр спортсменнара Дьулустан Ноговицын уонна Айсен Семенов кытыннылыр, ыһыах тэрээһинин киэргэттилэр. Кырдьык да5аны, олоңхо5о ойууланар курдук, быыппастыгас былчыңнаах, саха киэн туттар уолаттарын илэ харахпытынан, «тутан олорон» кѳрдүбүт, иһиттибит, сѳхтүбүт!
Түһүмэхтэринэн:
Ыстаныы Үс тѳгүл Үс
1 миэстэ Айсен Семёнов
2 миэстэ Дьулустаан Ноговицын
3 миэстэ Юрий Копырин
Хапса5ай
1 миэстэ Дьулустаан Ноговицын
2 миэстэ Айсен Семёнов
3 миэстэ Юрий Копырин
Мас тардыьыы
1 миэстэ Дьулустаан Ноговицын
2 миэстэ Айсен Семёнов
3 миэстэ Артур Орлов
Сччрчч 250 миэтирэ
1 миэстэ Дьулустаан Ноговицын
2 миэстэ Айсен Семёнов
3 миэстэ Юрий Копырин
Тааьы кете5чч:
1 миэстэ Дьулустаан Ноговицын
2 миэстэ Айсен Семёнов
2 миэстэ Юрий Копырин

Уопсай түмүккэ, Муңутуур кыайыылаа5ынан Дьулустаан Ноговицын (Горнай улууһа) буолан 150 000 солкуобайы уу харчыны (спонсор: «Востокевротехника» ХЭТ ген.директора Иванова Лена Егоровна), 2-с миэстэни Айсен Семёнов (Ѳлѳѳн улууһа) ылан убаһа сертификатын (спонсор: 2-с Лѳгѳй нэһилиэгин дьаһалтата), 3-с миэстэни Юрий Копырин (Уус-Алдан улууһа) ылан телевизорынан (спонсор: «Теплосеть+» ХЭТ ген.директора Уаров Сергей Капитонович) на5араадаланнылар. Маны таһынан, Улуу Кыайыы аатынан 1945 сыллаа5ы Боро5оңңо буолбут ыһыах кыайыылаа5а, дьахталлар курдаһан тустууларыгар, мас тардыһыыларыгар тэңнээ5ин булбатах Васильева Варвара Ананьевна – Баттаайа тѳрѳѳбүтэ 100 сылынан, кини анал бирииһин – 30 000 солкуобайы уу харчынан, хапса5ай кѳрүңэр кыайан эмиэ Дьулустаан Ноговицын ылла. Бирииһи Баттаайа о5олоро, сиэннэрэ, аймахтара үѳрүүлээх быһыыга-майгыга кыайыылаахха туттардылар. Түгэнинэн туһанан, спортивнай күрэхтэһиини иилээн ыыппыт дьоммутугар Главнай судьуйа5а Виктор Портнягиңңа, Главнай секретарьга Раиса Николаевна Троева5а, комментаторга Александр Ушницкайга, судьуйаларга Петр Соловьевка, Михаил Гоголевка бар5а махталбытын тиэрдэбит!

✅2-с Лѳгѳй нэһилиэгин 2023 сыллаах ыһыа5ын спонсордара:

1. Иванова Лена Егоровна -«HYUNDАI» «ВОСТОКЕВРОТЕХНИКА» дилерскай центр Генеральнай директора
2. Аммосов Петр Револьдович – Гос.Дума депутата
3. «Теплосеть+» ХЭТ ген.директора Уаров Сергей Капитонович
4. Васильева Варвара Ананьевна – Баттаайа (100 сааһа) о5олоро, сиэннэрэ, аймахтара
5. Бурнашев Ариан Иннокентьевич
6. Находкина Кыма Васильевна о5олоро, сиэннэрэ
7. Иванова Марфа Гаврильевна о5олоро, сиэннэрэ
8. Макарова Февронья Андреевна (100 сааһа) о5олоро, сиэннэрэ
9. Олесова Аграфена Петровна
10. Герой Ийэ Васильева Дария Ильинична о5олоро, сиэннэрэ
11. П.В.Аммосов аатынан Тулуна орто оскуолата (сад. Бысыин Ф.Д.)
12. Тулунатаа5ы «Татыйык» уьуйаан (сал.Бурнашева А.М.)
13. Находкин Альберт Алексеевич
14. Жиркова Людмила Ивановна
15. Сергеев Иван Иннокентьевич
16. Алексеев Алексей Алексеевич аатынан бириис бииргэ тѳрѳѳбүт быраата Юрий Алексеев
17. Домотов Михаил Иннокентьевич – I Ѳспѳх нэһилиэгин баһылыга

Ыһыах тэрээһинигэр сүүрбүт-кѳппүт, кѳмѳлѳспүт нэһилиэкпит олохтоохторугар, тэрилтэ уонна түѳлбэ салайааччыларыгар уонна спонсордаабыт дьоммутугар тэрийэр комиссия аатыттан ис сүрэхтэн махталбытын тиэрдэбит!

Тэрийэр комиссия