Кулун тутар 10 күнүгэр, уйгу сирэ Уус Алдан улууспут төрүттэммитэ 100 сылын көрсө, «Үүнэр-сайдар мин дойдум» улуустааҕы көрүү бэстибээлигэр Тулуналар 1-нан оонньоотубут. Улуус нэhилиэктэрин бука барыларын 3 группаҕа арааран 2 дьүүллүүр сүбэ састааба көрдүлэр.
Биhи нэhилиэк төhө бастакынан оонньообуппут иhин, дьоммут-сэргэбит көхтөөх кыттыыны ыланнар, бүттүүн бөhүөлэк кэриэтэ ахсааннаах дьон сүүрдүбүт-көттүбүт. Тулуналар түмсүүлээхпитин бигэргэттибит. Хастыы эмитэ киhилээх комиссиялары тэринэн, (көстүүм, сценарий, оформление, быыстапка) бииргэ үлэлээн үчүгэй көрдөрүүнү ситистибит, аҕыйах дэhээтэй очконан хапсыбакка 4 миэстэ буоллубут. Онон эhиилги бэстибээлгэ үс иhигэр киириэхпит диэн бүк эрэллээхпит. Быйылгы бэстибээлгэ үлэлэспит, сүбэ-ама буолбут, кыттыыны ылбыт бар дьоммутугар улахан, дириҥ уонна муҥура суох махталбытын тиэрдэбит!
