Ахсынньы маҥнайгы күнүгэр, сылын ахсын ыытыллар, үгэскэ кубулуйбут бэлиэ бырааhынньыкпыт, ол эбэтэр, «Кыhын Саха сириттэн саҕаланар» бэстибээл чэрчитинэн ыытыллар «Харыйачаан уотун сандаардыы» буолла.
Тэрээhиҥҥэ оҕо бөҕөтө кэлэн тымныыны аахсыбакка, үөрэ-көтө П.В. Аммосов аатынан Тулуна орто оскуолатын алын сүhүөх үөрэнээччитин, Иванов Арсены кытары «Сахам ата» диэн ырыаны ылластылар, кэлэр сылбыт бэлиэтэ – Ат, араас мультик дьоруойдарын кытары оҕолору оонньоттулар, флеш-моб үҥкүлээтилэр. Кырыа кыhыммыт мэктиэтэ Чысхаан, тапталлаахтар сулустара Чолбон Куо илэ бэйэлэринэн кэлэн нэhилиэк олохтоохторун, чуолаан оҕолору кэлэн иhэр саргылаах Саҥа дьылынан эҕэрдэлээтилэр, нэhилиэкпит Аҕа Баhылыга бэстибээл саҕаламмытынан эҕэрдэ тыл эттэ уонна бары бииргэ Тулунабыт сүрүн Харыйачаанын уотун сандаарыччы тыктардыбыт! Дьон-сэргэ саамай күүтүүлээх бырааhынньыкпыт – Саҥа Дьылбыт аптаах алыбар уйдардыбыт диэн бэлиэтииллэр.
