Суоппардар идэлээх күннэрин 1976 сылтан Сэбиэскэй Сойуус үрдүкү Сэбиэтин ыйааҕынан олохтонон алтынньы ый бүтэhик өрөбүлүгэр бэлиэтиибит.
Оччотооҕу кэмтэн билиҥҥэ диэри көлөтө суох дойду экономиката да, дьон-сэргэ күннээҕи да олоҕо туруктаах буолар кыаҕа суох.
Күчүмэҕэй сырыылаах суолларынан сүүhүнэн тыhыынча массыына айанныыр, дьону таhар, таhаҕас тиэрдэр. Суоппар идэтэ күннэтэ элбэх сыраны уонна эппиэтинэhи эрэйэр уустук үлэ буолар.
Дьон олоҕор-дьаhаҕар суолталаах араас табаардары, матырыйааллары, аhы-үөлү таhыыга суоппардар үлэлэлэрэ ураты суолталаах. Эhиги дьаныардаахтык үлэлээн, кыhыннары-сайыннары, күн-дьыл күнүттэн тутуллубакка таhаҕастар тиийиэхтээх сирдэригэр тириэрдэҕит.
Ыарахан үлэлээх суоппардарга махтанабыт! Эhиги улуус, Республика сайдыытыгар кылааккытын үрдүктүк сыаналыыбыт. Ол курдук дьон-сэргэ таhаҕас таhан, дьону тиийиэхтээх сирдэригэр тиэрдэн айа-тута үлэлиир суоппардарбытын тустаах күҥҥүтүнэн итиитик-истиҥник эҕэрдэлиибит!
Тулуна суоппардарыгар анаан музыкальнай эҕэрдэлэрин тиэртилэр Петр Васильевич Аммосов аатынан Тулуна орто оскуолатын алын сүhүөҕүн, 3 клааhын үөрэнээччилэрэ Айаан Троев уонна Арсен Иванов
эҕэрдэ тылы 2-с Лөгөй нэhилиэгин Аҕа баhылыгар Петр Егорович Бурнашев этэн баран на5араадаларын туттарда. «За вклад в социально-экономическое развитие сельского поселения «Легойский 2-й наслег» туттарылынна Иван Петрович Сергеевка, Почетная грамота сельского поселения «Легойский 2-й наслег» — Афанасий Николаевич Турантаевка уонна Благодарственное письмо сельского поселения «Легойский 2-й наслег» — Григорий Сергеевич Сергеевка.
На5араадалар кэнниттэн ахтыы киэьээтэ са5аламмыта. 2-c Лөгөй бастакы суоппара Аҕа дойду Сэриитин бэтэрээнэ, Васильев Василий Ананьевич – Баламат этэ, «ГАЗ- 51» мааркалаах бортобуой, самасыбаал массыыналарга үлэлээбитэ. Баhылай 1954 сылтан 70-с сыллар бүтүүлэригэр диэри тиэхиньикэттэн илиитин араарбакка нэhилиэгин сайдыытыгар элбэх сыратын биэрбитэ. «ЗИС-5» үс тонна Томторго олорон үлэлээбитэ. Оччолорго колхуоска саамай улахан массыына этэ. Кэлин Лысенко уонна Калинин аатынан холкуостар холбоhоннор, киин учаастакка Кэптэнигэ көhөн олохсуйбута. Бартыhаан Заболоцкай сопхуос хас да төгүллээх чөмпүйүөн суоппара, оройуон биир саамай чулуу, сырыыны кыайар, массыына кыамтатын кыайа тутан үлэлэтэр механизатора этэ.
Баhылай Ананьевич туhунан кылгастык олохтоох түмэл салайааччыта Федот Дмитриевич Бысыин
Мигалкин Егор Федотович-1953 сыллаахха нэhилиэкпит бастакы суоппарыгар куруусчутунан, кемелеhөччүтүнэн сылдьыбыта. Онтон 1956 сыллаахха Дьуокуускайга автошколаны бүтэрэн уhүс кылаастаах суоппар идэтин баhылаабыта. Бастакы массыыната «ЗИС-5» суоппардаабыта. Онтон ЗИЛ-164 таhаҕас таьар массыынатыгар ер суоппардаабыта. Кэнники «ЗИЛ-ММЗ-555», «ЗИЛ-130» массыыныналар кэлиитэлээбиттэрэ. Техника сайдан истэҕин аайы кылааhа, билиитэ эбиллэн иhэрэ. 70-с сылларга холкуоска автокран кэлбитигэр үөрэнэн, эбии ноҕурууска курдук үлээбитэ.Хаҥалас хайатыттан таас чоҕу үлэ күнүгэр үстэ кырынан бастыҥ көрдөрүүлээх буолара. Холхуоhа Россияҕа, Союзка бастыҥ көрдөрүүнү ситиhэригэр улахан кылааты киллэрбит суоппар буолларын, уhуйбут-такайбыт механизатордара билиҥҥэ диэри билинэллэр.
Троев Афанасий Гаврильевич – «Баллахаат» Тулуна бөhүөлэгин биир саамай дэгиттэр, тиэхиньикэ өттүгэр билиилээх суоппар, тырахтарыыс, комбайнер, механизатор этэ.
Троев Ким Михайлович 1956 с. МТСка трактористар курстарыгар үөрэнэн, «ДТ-75» тракторга тракториистаабыта. 1962 с Найахыга шофердар үөрэхтэригэр үөрэнэн, 1963-1983 сс. Дойдутугар араас мааркалаах массыыналарга, кэлин Петр Ильич кэнниттэн «Молоковозка» эмиэ үлэлиир.Сайылыктар суоллара ол саҕана мөлтөх этэ. Ардах түстэҕинэ суол алдьанара, батыллыы диэн, тыраахтарынан соhуллуу диэн, механик диэн туспа көрүллүбэт буолан суоппар киhи тиэхиньикэтин бэйэтэ көрүнэрэ. Ким Михайлович нэhилиэк биир бастыҥ суоппара буоларын туоhулуур элбэх грамоталарынан, махтал суруктарынан наҕараадаламмыта.
60-с сыллар саҥаларыттан автошколаны бүтэрэн суоппар буолбуттара:
Васильев Петр Ильич — 1960 сыллаахха суоппар уерэ5ин бутэрбитэ, онтон ыла холкуоска, сопхуоска суоппардаабыта. өр сылларга үүт таhыытыгар үлэлээбитэ, Ол саҕана сайылык элбэх этэ Кэйииҥинэн, Тыымпайынан, Күбээйинэн, Дьуодьалааҕынан, Хаптаҥанан, Баттамаайынан, Атыыр уҥуоҕунан. Ону барытын кэрийэн ыам аайы таhара. Кыhынын водовозка, өр сыл бортобуойга үтүө суобастаахтык үлэлээбтэ, нэhилик дьонун махталын ылбыта.
Дегтярев Михаил Михайлович – Мэник Мэхээчэ,Холкуос биир бастыҥ көрдөрүүлээх отделениета буоларыгар балай-да сыраларын биэрбит суоппар этэ
Гоголев Михаил Дмитриевич 1969 с. Армияттан кэлэн Нам СПТУ-р тракторист-шофер идэтин ылбыта. Тулунаҕа «Газ-53», «зил-ммз-555»,молоковоз, бортовой массыыналарга үлэлээбитэ. «Аргыс» колонна салайааччыта аатырбыт суоппар Прокопий Корякин биригээдэтигэр суоппардар саамай ыарырҕатар, айдааннаах үлэлэрин – күhүнүн арыттаах муосталаах хотоннор саахтарын таhыытыгар Михаил Дмитриевич түөрт сезон сылдьыспытын, махтанан ахтара үhү. Бу биригээдэ сопхуоз отделениетын ыарахан үлэтин кэрийэ сылдьан толороллоро.
Наталья Петровна Гоголева истин ахтыы тылларын эттэ.
Үүт уонна уу таhар массыыналар төhө да бөhүөлэк иhигэр сүүрдэллэр эт, үүт оҥоhуллан тахсыыта кинилэртэн быhаччы тутулуктаах. Ити массыыналарга нэhилиэккэ өр кэмнэргэ үлэлээн кэлбиттэрэ:
Михаил Иннокентьевич Никифоров оҕо эрдэҕиттэн техникаҕа сыстаҕаҕа. Оскуола кэнниттэн Дьокуускайга суоппар , Намҥа тракторист идэтигэр үөрэнэн самосвал, молоковоз, водовоз уруулуттан илиитин араарбатаҕа. 1978с .«Коммунистическай үлэ Ударнига», 1981 сыллааха «Чемпион суоппар» аатын ылбыта.
Михаил Михайлович Дьяконов- Уолус Армияттан кэлэн баран суоппар идэтин баhылаабыта. Маҥнай бортубуой массыынаҕа, онтон өр сылларга молоко массыынаҕа өр сылларга үтүө суобастаахтык үлэлээбитэ. баhылаабыта. Кэлин ЖКХҕа водовоз массыынаҕа суоппардаабыта.
Николай Васильевич Васильев – Таай. Суоттутааҕы СПТУну 1976 сыллаахха бутэрэн баран «Партизан Заболцкий» совхозка ГАЗ-53 бортуобой, молокоҕа, водавозка совхоз эстиэр дылы суоппардабыта.
Таhаҕас таhар массыыналарга Тулунаҕа 70-с сыллартан Дьокуускайдааҕы автошколаны бүтэрэн «убайдарын» суолларын солоон Савва Васильевич Васильев үлэлээн, нэhилиэк сайдыытыгар бэйэтин кылаатын киллэрдэҕэ. « Самосвал» массыына тутан чох. Уотурба. От таhыытыгар Амманан, Ситтэттэн, Кэбээйиинэн сылдьыбыта. Армияҕа эмиэ 2 сыл суоппардаан кэлбитэ. Сопхуос ыhыллыбытыгар ЖКХ-ҕа «Урал» массыынаҕа суоппардаабыта. Үлэтэ сыаналанан «Улуус экономическай сайдыытын кылаатын иhин», «Үтүө дьыала» знактырынан наҕарадалааммыта.
Владимир Михайлович Стрекаловский Армияҕа икки сыл сулууспалаан баран этэҥҥэ тереебут дойдутугар кэлэн суоппар үөрэҕин бүтэрэн маҥнай Дүпсуҥҥэ бортубуой массыынаҕа улэлээбэ. Онтон Тулунаҕа көhөн кэлэн маҥнай молоковоз массыынаҕа онтон сопхуос эстиэр дылы водовоз массыынаҕа үлэлээбитэ. Нэhилиэк фермаларын барытын уунан хааччыйара. Ол быыhыгар чааhынай да ыалларга уу кутара. Оччолорго массыына аҕыйах буолан скорайга да барара.
Ахтыы тылы Мария Михайловна Стрекаловская эттэ.
1976 с. СПТУ-1 иhинэн тэриллибит промышленноска саха ыччаттарын олохтуур сыалтан улахан уйуктаах БелАз массыыналарга суоппардары бэлэмнээhин саҕаламмыта. 1978 с. Белазист идэтин Тулунаттан Афанасий Николаевич Турантаев баhылаан, Аллараа Кураанах бириискэтигэр үлэтин саҕалаабыта. Кэлин дойдутугар кэлэн «ГАЗ-53» араас мааркалаах массыыналарга үлэлээбитэ.
Степан Иосифович Сергеев холкуоскатарбахха баттанармеханик этэ, кэлин 1992 с. Саҕаланыытыгар олох уларыйан сопхуостар ыhыллан, урукку отделениелар оннуларыгар коллективнай предприятиелар тэриллибиттэрэ. Онон Степан манна эмиэ механиктаабыта, саҥа уазик уруулугар олорон үөрбүтэ-көппүтэ.
Сопхуос механиктара Троев Иннокентий Иннокентьевич уонна Сергеев Степан Иосифович үлэлэригэр сүүрдээх бэринилээхтэрэ, техникаларга туох алдьаммытын тута быhаарар, сүүрэн көтөн саппаастары тута була охсон аҕалан баар оҥороллоро билиилээх көрүүлээх дьон этилэр.
Дегтярев Петр Тимофеевич 1990 сылтан 1999 с. Диэри саhыл ферматыгар саҥа ЗИЛ массыынаҕа суоппардаабыта.
Сергеев Иван Петрович- 1974 сыллаахха Дьокускайдааҕы автошколаны бүтэрэн « Партизан –Заболоцкий совхозка ГАЗ-53 массыынаҕа суоппарынан улэлиир. Армияттан 1976 сыллаахха кэлэн баран Мындаабаҕа ПМК сельхозхимияҕа суоппардыыр. Оньон 1982сыллаахха «Партизан Заболоцкий» Кептени отделениятыгар суоппарынан үлэлиир. Ол кэннэ Большой Невертан ЗИЛ-157 массыынаны перегоннаан аҕалар. Ол массыынанан лесовоз үлэтигэр улэлиир. 1986 сыллаахха Тулунаҕа ЗИЛ- 133 суоппардыыр. Кэбэйии улууhуттан Сииттэттэн оту таьаллар эбит. Онтон совхоз ыьыллыан дылы ГАЗ-53 бензовозка суоппардыыр. Сайынын сайылыктарга молоковозка үлэллээбит. Үрдүк кердерүүлэрин иhин элбэх бочуотнай грамоталарынан , махтал суруктарынан наҕарадалааммыта.
Сергеев Михаил Петрович 1977 сыллаахха Дьуокускайга автошколаны бутэрэр 1982 сыллаахха Армияттан кэлэн баран 2001 сылга диэри Сельхозтехникаҕа суоппарынан үлэлээбитэ. Михаил билигин Камаз массыыналаах. Массыынатынан тэрилтэлэргэ араас үлэлэри толорор.Элбэх сылларга суоппардабытын элбэх ахсааннаах Буочуотунай грамоталарынан, Дипломнарынан. Махтал суруктарынан наҕарадаламмыта.
Аныгы үйэҕэ техника көмөтүнэн өҥөҕө таксиилаабыттара. Рынок саҕаланыаҕыттан бэйэлэрин массыыналарынан өҥөнү Константинов Евгений Егорович уонна Кириллов Кузьма Иванович саҕалаабыттара. Кэлин олох ирдэбилинэн бастакынан ИП тэринэн Бурцев Гаврил Иванович «Тулуна-Бороҕон-Дьокуускай» маршруутунан сүүрбүтэ.
Ардахтаах кэмнэргэ, күhүҥҥү силбиккэ, сыралҕан куйааска, куталас тымныыга, утуйар ууларын умнан туран сырыыны тохтоппокко көлүөhэ үрдүгэр сылдьыбыт уолаттарбыт:
Дегтярев Альберт Афанасьевич, Гоголев Сергей Михайлович, Колодезников Петр Александрович, Сергеев Вадим Иванович, Стручков Максим Иннокентьевич, Васильев Василий Зосимович, Дегтярев Михаил Васильевич, Бочкарев Евсей Семенович.
ахтыылар кэннилэриттэн, биэчэри тумуктээн суол быраабылатынан оноьуллубут викторина оонньоотубут. биэчэри истинник ыыппыт Ульяна Гаврильевна5а «Сайдыы» сынньалан киин аатыттан махталбытын тиэрдэбит!
Уруулга олорор бары суоппардары кэлэн иhэр суоппардар күннэринэн ис сүрэхпититтэн махтанан тураммыт көнө суолу, эрэллээх көлөнү уонна күөх уоту баҕарабыт.
