«Сайдыы» сынньалаҥ киин «Кулууп уота угуйар», 40 сезонун үөрүүлээх быhыыга майгыга, Бартыhаан Заболоцкай аатынан совхозка киирбит нэhилиэктэр кулууптарын кытары холбоhуктаах кэнсиэри көрдөрдүлэр. Кэптэни, Баатаҕай, Хомустаах, Уhун Күөл уонна Тулуна култуураларын үлэhиттэрэ уонна уус уран самодеятельность активистара кыттыыны ыллылар. Нэhилиэк олохтоохторо саҥа да дьону, өр көрбөтөх да дьоннорун көрөн үөрдүлэр. Кулууппут заала тобус толору көрөөччүнэн туолан артыыстар үөрэ-долгуйа ырыа-тойук, үҥкүү-битии бөҕөтө бэлэхтээтилэр.
Кэнсиэр түмүгэр ыҥырыылаах кулууптарбыт салайааччыларын Кэптэни кулуубун директорын – Прядезников Владимир Федоровиhы, Уhун Күөл директорын – Борисов Иннокентий Иннокентьевиhы, Баатаҕай директорын — Готовцева Людмила Романовнаны, Хомустаах директорын – Бечеканова Анна Семеновнаны дохсун ытыс тыаhынан сыанаҕа ыҥыран, «Сайдыы» сынньалаҥ киинин аатыттан, директор Гоголева Наталья Петровна махтал суруктары туттарда.
Тэрээhиннэргэ, быhа гыммакка кыттыыны ылар дьоммутугар барҕа махталбытын тиэрдэбит!
