Муус устар 27 күнүгэр, күнүс 12чаастан, И.Е.Мигалкин аатынан скверга, Тулуна бөhүөлэгэр Өрөспүүбүлүкэ күнэ бэлиэтэннэ.
Саха республикатын автономията төрүттэммит күнүнэн, Өрөспүүбүлүкэбит күнүнэн, Өрөгөй күнүнэн нөрүөн нөргүй! Итии истиҥ төлөөннөөх эҕэрдэ буолуохтун!
1922 сыл муус устар 27 күнүгэр ылыллыбыт Саха автономията, оччотооҕу Саха уобалаһа өрөспөөбүлүкэ быһыытынан статустаммыта. Саха Автономнай Сэбиэскэй Социалистическай Өрөспүүбүлүкэтин (Саха АССР) төрүттээбит Саха чулуу дьоно Максим Кирович Аммосов, Платон Алексеевич Ойуунускай, Исидор Никифорович Барахов, Василий Васильевич Никифоров ‒ Күлүмнүүр сыралаах үлэлэрин, күүстээх туруорсууларын түмүгэр Саха Автономията баар буолбута. Саха омук өйө ‒ санаата, тыла ‒ өһө, култуурата, судаарыстыбаннай тирэхтэрэ барыта, 1922 сыллаахха улахан хамсааһын быһыытынан үөскээбитэ.
Ити барыта бэйэни салайыныы өрүтэ «Степной Дума» баар буолбутун ситиспит биьиги биир дойдулаахпыт Иван Емельянович Мигалкинтан уонна Сэһэн Ардьакыаптан саҕаламмыт хамсааһын.
Ытык убайдарбытын өйдүү-саныы өрүү сөҕө махтайа сылдьыаҕыҥ диэн ыҥыран туран, эһиги иннигитигэр ыҥырарбын көҥүллээн Тулуна орто оскуолатын үөрэнээччилэрин толорууларыгар Монтаж – “Сахам сирэ” (Тулуна биллэр-көстөр общ. деятеллэринэн)
Муус устар 27 күнэ саха норуотун остуоруйатыгар ураты суолталаах, бэлиэ күн. Бу күн, Судаарыстыба ылыныллыбыта – бу буолар норуот сайдыытын мэктиэтэ. Бу күӊӊэ норуоттар култуурнай таhымнарын үрдэтэр барыла тэриллибитэ, социальнай уонна духовнай сайдыы сө5үмэр суолун ааhарбытыгар уонна норуот айар — тутар кыа5ын уhугуннаран байытан иhэрбитигэр кыах биэрбитэ. Бу ситиhиилэр барыта биhиги биир дойдулаахпытыттан Өбүгэбититтэн Иван Емельянович Мигалкинтан саҕаламмыта! Бүгүн Сахалыы төрүт тылбытынан саҥара-иҥэрэ турарбытыттан, култуурабытын, итэҕэлбитин күн бүгүнүгэр диэри умнубакка сылдьарбытыгар истиҥ махталбытын биллэрэн Иван Емельянович бүүhүгэр сибэкки дьөрбөтүн уурдубут!
Сибэкки дьөрбөтүн уурарга ыҥырыллаллар:
- 2-с Лөгөй нэhилиэгин Аҕа Баhылыга Петр Егорович Бурнашев
- Бэтэрээн сэбиэтин салайааччыта Агафья Николаевна Тарабукина
- 2-с Лөгөй нэhилиэгин дьокутаата Александра Дмитриевна Габышева
- 2-с Лөгөй нэhилиэгин бочуоттаах олохтооҕо Федот Дмитриевич Бысыин
- Петр Васильевич Аммосов аатынан Тулуна орто оскуолатын туйгун үөрэнээччитэ Диана Шелковникова
2-с Лөгөй нэhилиэгин аҕа баhылыгыттан Петр Егорович Бурнашев Э5эрдэ тыл,
Бу бэлиэ күҥҥэ 2-с Лөгөй нэhилиэгин дьокутааттарыттан биирдэстэригэр долгутуулаах түгэн үүннэ! Российскай Федерация “Биир ньыгыл” партия чилиэнэ буоларын туоhулуур удастабырыанньа ылар дьоллоох кэмэ Александра Дмитриевна Габышева5а тосхойбута. удастыбырыанньаны 2-с Лөгөй нэhилиэгин Аҕа Баhылыга Петр Егорович Бурнашев туттарда.
Нэhилиэкпит бочуоттаах олохтооҕо, олохтоох тумэл салайааччыта, Федот Дмитриевич Бысыин эҕэрдэ тыл уонна Өрөспүүбүлүкэбит төрүттэниитин туhунан кылгастык сырдатта.
Биһиги сахалар
Хомоҕой тыллаахпыт
Уус-уран, илбистээх,
Тыл күүһэ баайдаахпыт.
Ийэ тылгын харыстаан,
Улуу киһи буоларын.
Тыл күүһүн, алыбын
Толору тутун,
Чаҕыйбат күүстэннин,
Чэгиэн санааланнын.
Уруйданнын, Айхалланнын!
2-с Лөгөй нэhилиэгэ бу Өрөспүүбүлүкэ судаарыстыбаннаhыгар сүдү суолталаах дьоннордооҕун умнумуоҕуҥ – киэҥ туттуоҕуҥ!
Саха буолан сандаарыахха, ураанхай буолан тэнийиэххэ!
«Уруйдуохха улуу күммүтүн, айхаллыахха Сахабыт сирин!»
диэн тылларынан тэрээhин буоларын тэрээhин түмүктэннэ.
