Тохсунньу 14 күнүгэр, «Эргэ Саҥа Дьылы» көрсө, нэhилиэкпит аҕам саастаахтарын түмсүүтүн «Оҕо сааhым харыйата» диэн тематическай киэhээ ыытылынна. Тэрээhиҥҥэ уопсайа сүүрбэттэн тахса киhи кэлэн үөрэ-көтө бырааhынньыктаан, аhаан-сиэн, ыллаан-туойан, оонньоон-көрүлээн, үҥкүү-битии бөҕө буолан, астынан-дуоhуйан бардылар.Тэрээhин саҕаланыыта «Сайдыы» сынньалаҥ киин коллектива «Таҥха» күннэрэ саҕаламмыттарын мэктиэлиир «Сөллөкүүн» диэн миниатюра туруоран көрдөрдүлэр онтон нэhилиэкпит Аҕа Баhылыга Петр Егорович Бурнашев, бэтэрээн түмсүүтүн салайааччыта Агафья Николаевна Тарабукина эҕэрдэ тылларын эттилэр, маскарад куонкуруhа буолла, Чысхаан уонна Чолбон Куо ыалдьыттаатылар, бука бары үөрэ-көтө хоровоттаатылар. Аҕам саастаахтарбытын кэнчээри ыччаттартан саҕалаан активист олохтоохторбут музыкальнай эҕэрдэлэрин бэлэхтээтилэр. Нэhилиэккэ биллэриллибит «Спорт» да сылын бэhиэлэй эстафетанан бэлиэтээтибит.
Бу курдук түмсүүлээх, эйэлээх буолууну өрө тутан, кэлэр кэскиллэрбитигэр үтүө холобур буола сылдьаргыт олус диэн махталлаах.
Ытыктабыллаах эдьиийдэрбитигэр, убайдарбытыгар өссө төгүл саргылаах Саҥа Дьылынан итии истиҥ эҕэрдэбитин тиэрдэбит! Кытаанах доруобуйаны, уhун үйэлээх, дьоллоох олоҕу баҕарабыт!
