Муус устар 10 күнүгэр, «Спорт сылын» чэрчитинэн, 2-с Логой нэһилиэгэр ГТО туттарар былааһаакка үөрүүлээх быһыыга-майгыга арылынна!
Бу үөрүүлээх түгэҥҥэ ыалдьыттарынан Саха Республикатын физическэй култуура уонна спорт министрэ Леонид Спиридонов, Ил Түмэн депутата Геннадий Васильев, ВФСК ГТО Саха Республикатын региональнай киинин салайааччыта Ариян Александров, Уус-Алдан улууһун баһылыга Василий Алексеев кытыннылар.
Нэһилиэк баһылыга Петр Бурнашев ыалдьыттарга хайыһар базатын, бильярднайы, спортивнай залы көрдөрдө, инники былааннарын кэпсээтэ. Ону таһынан, нэһилиэкпит ситиһиилэрин, кубоктарын уонна олохтоохторбут мэдээллэрин выставкатын билиһиннэрдэ.
Спорт сайдыытыгар кылаатын иһин бу күн Василий Васильев «Спорт ветерана» бэлиэнэн, Наталья Гоголева махтал суругунан наҕараадаланнылар! Эҕэрдэлиибит!
Олохтоохторбут ханнык спорт көрүҥүн сөбүлээн дьарыктаналларын көрдөрөн: хайыһар, хаамыы, волейбол, тустуу, дуобат, дартс уонна бильярд көрүҥнэринэн үөрүү-көтүү бөҕөтө буолла!
Бары кэлэн кыттыыны ылбыт бар дьоммутугар барҕа махталбытын аныыбыт! Чэгиэн-доруобай, дьоллоох буолуҥ!
