Ахсынньы 31 күнүгэр, 2-с Лөгөй нэһилиэгин Тулуна бөһүөлэгэр, «Сайдыы» сынньалаҥ киинигэр «Күлчээнэ» (Золушка) испэктээк сүрэхтэннэ. Тобус толору көрөөччүлээх зал олохтоох артыыстары көрсөн долгутта. Сүрүн оруолга, Күлчээнэ — Айыына Троева бэрт истиҥник толордо, Мачеха — Нюргуяна Куприянова, Гризельда — Варвара Васильева, Анастасия — Прасковья Алексеева соһуччу, комическай образтары көрдөрөннөр дьону-сэргэни соһуттулар, күллэрдилэр. Принц оруолугар Ярослав Васильев, Хоруол — Николай Куличкин, кутуйахтар, чыычаахтар — “RayTeam” үҥкүүһүт оҕолор бөлөхтөрө. Быыһыгар ардыгар музыкальнай эҕэрдэлэр.
испэктээги көрбүт дьоммут астынан, дуоһуйан, олус үчүгэй диэн сыаналаан бардылар.
испэктээккэ кыттыыны ылбыт, кэлэн көрбүт дьоммутугар «Сайдыы» СК аатыттан истиҥ махталбытын тиэрдэбит. Үүммүт сыл үтүөнү түстээтин, кэлбит дьыл кэрэни кэрэһэлээтин!
