Тулуна олохтоохторо уонна ыалдьыттара сэтинньи 4 күнүгэр, 2-с Лөгөй нэhилиэгин дьонун-сэргэтин көҕүлүүр инниттэн, иккис сылын, «Көлүөнэ күөн көрсүhүүтэ» диэн күөн күрэс 4 түhүмэҕэр, ол эбэтэр «Көлүөнэ ситимэ» — кэнсиэр күрэҕин дьоро киэhээтигэр кытыннылар. Күрэхтэhиибит – Россияҕа «Улуу Кыайыы 80 сылынан» уонна «Аҕа дойдуну», Өрөспүүбүлүкэбитигэр «Ийэ дойдуну» көмүскээччилэр, нэhилиэкпитигэр «Бэтэрээн» сылынан уонна «Буруйу оҥорууну сэрэтии» программа чэрчитинэн уонна «Норуоттар сомоҕолоhууларын күнүнэн» ыытылынна.
Күөн — күрэспит сыала, соруктара:
Сыала:
— Олохтоохтору, нэhилиэк култуурнай олоҕор сыhыарыы.
Соруктар:
— Саҥа талааннары булуу
— Патриотическай санааны көҕүлээhин
— Чөл олоҕу көҕүлээhин
Кыттааччылар – 2-с Лөгөй нэhилиэгин олохтоохторо:
Эдэр ыччат: 14-35 саастарыгар диэри
Орто көлүөнэ: 36-49 саастарыгар диэри
Аҕам саастаахтар: 50 саастарыттан үөhээ
Түhүмэхтэр:
— Талбыт норуоттарын туhунан сырдатыы 1 участник
— Талбыт норуоттарын аhын билиhиннэрии. 1 участник
— Талбыт норуоттарын үҥкүүтэ. 6 участников
— Патриотическай ырыа толоруута. дуэт
— Сценка эбэтэр пародияханнык баҕарар темаҕа. от 3-х участников
— Биир киhи биир эрэ нүөмэргэ кыттар!
Дьүүллүүр сүбэ:
Дьүүллүүр сүбэ ахсыаҥка туруорар. Ким элбэх очкоолаах ол кыайар.
Дьүүллүүр сүбэ көлүөнэттэн биирдии киhи.
Түhүмэх аайы 1-10 баллга диэри ахсыаҥка турар, ким элбэх бааллаах ол кыайар.
Көлүөнэлэр эрдэтинэ жиребий тарданнар ким, ханнык омук буоларын быhаарсыбыттара. Ол курдук билиҥҥи уустук кэмҥэ – «Анал байыаннай дьайыы» кэмигэр доҕордуу дойдулары Китайы уонна Индияны уопсай сүбэнэн киллэриллибитэ. Инньэ гынан Аҕам саастаахтар – нуучча норуота, орто көлүөнэ – Индия, эдэр ыччат – Китай омуктара буолбуттара. Кэнсиэр – күрэх күнүгэр өссө биирдэ жиребий тарданнар ким урут, ким хойуут сыанаҕа тахсарын быhаардылар. Бастакынан, аҕам саастаахтар тахсаннар нуучча омугун бэрт интэриэhинэйдик билиhиннэрдилэр, ас дэлэйин амсаттылар, былааттаах үҥкүүнэн, баянынан «Доҕордоhуу» ырыанан киэргэттилэр, нуучча норуодунай үhүйээнин эриэппэни сыанкалаан көрдөрдүлэр. Иккиhинэн эдэр ыччат тахсан китай омугун бэрт сэргэхтик кэпсээтилэр, аhын амсаттылар, дьэрэкээн көстүүмнээх үҥкүү, «Аҕа дойду сэриитин» саҕанааҕы, «Журавли» ырыанан киэргэттилэр, аныгы булчуттары дьээбэлээн ойуулуур сыанканан дьону күллэрдилэр. Үсүhүнэн орто көлүөнэ – Индия дойдутун сырдатан, минньигэс астарын остуолга тардан, урукку видик саҕанааҕы кэмнэри ахтан – санаан наhаа үчүгэй үҥкүүнү, Сахабыт сирин сарсыардатын ойуулуур «Дойдум сарсыардата» ырыаны, «Автобус күүтэн олорон» диэн көрдөөх сыаҥканы бэлэхтээтилэр. Бары көлүөнэ олус диэн түмсүүлээхтэрин, бэлэмнээхтэрин көрөммүт астынан дуоhуйан бардыбыт.
Аҕыйахтыы очконан аахсаннар маннык түмүккэ кэллилэр:
1м. – Эдэр ыччат
2м. – Орто көлүөнэ
3м. – Аҕам саастаахтар
