Ахсынньы 31 күнүгэр 2-с Лөгөй нэhилиэгэр 2024 сылы атаарыы уонна саҥа 2025 сылы көрсө нэhилиэк активистарын күүhүнэн өрө күүрүүлээх, истиҥ, алыптаах, кэтэhиилээх бэртээхэй кэнсиэр буолла. Кэнсиэр нэhилиэкпит Аҕа Баhылыга Петр Егорович истиҥ эҕэрдэтиттэн саҕаланна, клуппут сыанатыгар 3-тэн тахса сыл тахсыбатах ырыаhыппыт кэлэн биир дойдулаахтарын үөрдэ, ырыа бэлэх уунна, саҥа үҥкүү бөлөҕө тэтимнээх үҥкүүнэн эҕэрдэлээтэ, активистарбыт сонун нүөмэрдэри көрдөрдүлэр. Түмүккэ ааhан эрэр 2024 сыл бэлиэтэ – Дракон, үөрүүлээх быhыыга-майгыга сыл күлүүhүн, 2025 сыл бэлиэтигэр – Змеяҕа туттарда. Тоhуттар тымныы бэлиэтэ Чысхаан, орто дойду тапталлаахтарын Сулуhа Чолбон уонна Саҥа дьыл уол бар дьоннорун эҕэрдэлээтилэр, биллэриллибит куонкурустар наҕараадаларын үөрэ-көтө туттардылар.
Маскарад күрэҕэ:
1м – Орто көлүөнэ
2м – Галина Вячеславовна Дегтярева
Саҥа дьыллааҕы тиэргэн иhин киэргэтии күрэҕэ:
1м – Вера Семеновна – Бурнашевтар
2м – Егор, Ульяна Бурнашевтар
3м – Ариан, Моника Бурнашевтар
Кыттыбыттарын иhин:
Бочкаревтар дьиэ кэргэн уонна Дегтяревтар дьиэ кэргэн.
Кыайыылаахтарга уонна кыттыбыттарга «1000 мелочей» уонна «Строй Дом» маҕаhыыннарыттан бэлэх сертификааттары туттарылынна.
Өссө төгүл бука барыгытыгар кэлбит саргылаах Саҥа дьылбыт ситиhиини, доруобуйаны, дьолу-соргуну уонна эйэлээх халлааны аҕаллын!
